10 arestado sa drug ops sa Valenzuela
MANILA, Philippines — Arestado ang 10 katao na sangkot sa ipinagbabawal na droga sa isinagawang magkahiwalay na drug operation ng pulisya sa Valenzuela city.
Batay sa report na tinanggap ni Valenzuela police chief Col. Ram-chrisen Haveria Jr, dakong alas-5 ng madaling araw kahapon nang respondehan ng Station Drug Enforcement Unit ang tawag sa telepono mula sa isang concerned citizen hinggil sa nagaganap na pot-session sa Block 4 Lot 4 De Gula Compound, Brgy. Gen. T De Leon na nagresulta sa pagkakaaresto kina Resty Quintana, 39, Francisco Vasquez, 37, Mark Joseph Boleche, 24, Romeo Gonzales, 61, Edward Billones, 39, at Julius Buezon, 34, matapos maaktuhang su-misinghot ng shabu.
Nakumpiska sa mga suspek ang dalawang plastic sachets ng hinihinalang shabu, 2 unsealed plastic sachets na may bahid ng umano’y shabu, cellphone, coin purse at ilang drug paraphernalia.
Nauna rito, dakong alas-10 kamakalawa ng gabi nang magsagawa ang mga operatiba ng buy-bust operation sa Feliciano St., Brgy. Ugong na nagresulta sa pagkakaaresto kay Guillen Dela Cruz, 27, at Larry Caridad, 43.
Kasama ring dinakip ng mga operatiba si Reynaldo Fulgencio Jr, 45, at Axel Jax Fernando, 30, agent, matapos makuhanan ng tig-isang plastic sachets ng hinihinalang shabu.
Narekober sa mga suspek ang humigi’t kumulang sa 15 grams ng hinihinalang shabu na may standard drug price P102,000, buy bust money na isang tunay na P500 bill at 8 pirasong P1,000 boodle money, P700 cash, 3 cellphones at motorsiklo.
- Latest
