Mala-white beach na Manila Bay,2 araw bubuksan sa publiko

MANILA, Philippines — Dalawang araw na bubuksan sa publiko ang Baywalk sa Manila Bay na tinambakan ng artificial white sand.

Kasabay sa pagdiriwang kahapon ng International Coastal Clean Up Day, bukas sa publiko ang baywalk na mala-white beach. Pwedeng magpa-picture o maglakad-lakad ang mga mamasyal basta nasusunod ang health protocols ng pamahalaan.

Ipinagbabawal na maligo sa lugar.

Sinabi ni DENR Indersecrtray Benny Antiporda, bukas ang lugar hanggang alas-6 ng gabi kahapon.

Ngayon araw bubuksan ito ng alas-5 ng umaga hanggang alas-6 ng gabi.

Dalawang araw pa lang muna itong ipapamalas sa publiko dahil muling isasara para tuluyang tapusin ang proyekto.

Sa ngayon nasa higit 100 metro na ang haba nito at ang plano dito ng DENR ay pahabain ng hanggang 500 metro.