Mass testing sa San Juan sinimulan

MANILA, Philippines — Nagsimula na ang pamahalaang-lunsod ng San Juan sa pagsasagawa ng mass testing para sa coronavirus disease 2019 (COVID-19).

Nabatid na sa isang basketball court isinasagawa ang swabbing ngunit tiniyak naman ni San Juan City Mayor Francis Zamora na ito ay ligtas dahil ang swabbers ay nakasuot ng personal protective equipment (PPEs) at faceshields.

Maging ang mga persons under investigation (PUIs), persons under monitoring (PUMs)  at iba pang indibidwal na isinasailalim sa pagsusuri ay may suot rin aniyang mask, gloves at mahigpit na ipinatutupad ang social distancing.