2 patay sa pamamaril sa Quezon City
MANILA, Philippines - Dalawang binata ang napatay, habang sugatan ang isa pa nang pagbabarilin habang sila ay nagka-cara y cruz sa Brgy. Silangan, sa Quezon City, kahapon ng madaling araw.
Sa report ni P/Chief Insp. Ferdinand Farinas ng Batasan Police Station 6, kinilala ang biktima na si Jose Abad, alyas Toots, 25, at Michael Angelo Bacoli, alyas Macmac, 26 , kapwa ng Brgy, Bagong Silangan.
Sugatan naman ang kasama sa sugal na cara y cruz na si Crisanto Aguilato, alyas Tisoy, 27.
Base sa ulat, dakong alas-12:15 ng madaling araw ng maganap ang insidente habang nagsusugal ang mga biktima ng bigla na lamang sumulpot ang mga armadong kalalaki-han at bistayin ng bala ang tatlong magkaibigan na agad na nasawi sa lugar.
Patuloy pa rin ang isinasagawang imbestigasyon sa insidente habang inaalam kung ano ang posibleng motibo sa krimen at kung sino ang sangkot dito.
- Latest
