MANILA, Philippines - Binistay ng bala hanggang sa mapatay ng hindi pa nakikilalang armadong mga suspek ang isäng 35-anyos na babae na umanoy isäng drug personality, kahapon ng madaling araw sa Quezon City.
Kinilala ng pulisya ang biktima na si Cristeta Ramos, alyas Kleng-Kleng, na binaril at napatay sa isang bahay sa Alton Street, Iwous Compound, Brgy. Batasan Hills, QC.
Ayon sa testigo na si Ruby, kalaro umano niya ng baraha si Kleng-Kleng sa may ikalawang palapag ng bahay, nang biglang dumating ang mga suspek na may takip ang mukha at hinanap ang pangalang Cristeta.
Anya, agad sumagot si Kleng-Kleng na sya si Cristeta kayat walang pasubaling dinampot ng mga suspek ang una at saka dinala sa ibaba ng bahay.
Nang nasa ibaba na ng naturang bahay ay agad itong pinagbabaril ng mga suspek hanggang sa mamatay.
Nang matiyak na patay na ang biktima ay agad na tumakas ang mga suspek palayo sa crime scene.
Sinasabing ang biktima ay nasa drug watchlist ng naturang barangay.
Ang kasong ito ay patuloy na binubusisi ng pulisya.