Driver bulagta sa nakasagutang pedestrian
MANILA, Philippines - Bumulagta sa kalsada ang isang tsuper matapos itong barilin ng hindi pa kilalang pedestrian na kamun-tik na niyang masagasaan, kamakalawa ng hapon sa Makati City.
Binawian ng buhay habang nilalapatan ng lunas sa Makati Medical Center (MMC) ang biktimang si Jerick Cadangan, 36, taga Sampaguita St., Katipunan Village, Taguig City, sanhi ng tinamong ilang tama ng bala sa ibat-ibang bahagi ng katawan buhat sa kalibre .22 baril.
Sa imbestigasyon ni SPO2 Dominador Robles, ng Homicide Section, Makati City Police, naganap ang insidente sa harapan ng Waltermart, sa kahabaan
ng Pasong Tamo, Brgy. Pio Del Pilar ng naturang lungsod.
Napag-alaman na papatawid ang suspect nang muntik na nitong masagasaan ng isang nasawi na minamaneho ang isang pampasaherong jeep.
Dahilan upang magalit ang suspek hanggang sa nagtalo ang dalawa. Sa kainitan nang pagtatalo, binunot ng suspek ang kanyang baril at pinutukan nito ang biktima.
Matapos ang pamamaril ay mabilis na tumakas ang suspek habang ang biktima naman ay isinugod sa nabanggit na pagamutan ng ilang taong naroroon, subalit binawian din ito ng buhay kamakalawa ng gabi.
Sa ngayon ay inaalam ng pulisya kung nakuhanan ng CCTV camera ang insi-dente upang matukoy ang pagkakakilanlan ng suspek.
- Latest
