MANILA, Philippines – Nasakote ng pulisya ang isa na naman miyembro ng Panoy Group na umano’y sangkot sa ilang serye nang pagpatay at pagtutulak ng droga sa isinagawang follow-up operasyon sa Caloocan City kamakalawa ng hapon.
Kinilala ni Police Sr. Supt. Bartolome Bustamante, hepe ng Caloocan City Police ang nadakip na si Willard Francisco, 34, ng Phase 8-B, Bagong Silang ng naturang lungsod.
Batay sa ulat ng pulisya, alas-5:00 ng hapon nang magsagawa ng operasyon ang mga pulis laban sa suspek sa Balwarte, Tala ng naturang lungsod.
Hindi na nakaporma ng suspek nang mapaligiran ng mga pulis at nakuhanan ng isang sachet ng shabu at kalibre .45.
Matatandaan, na noong Enero 29, 2015 ay napatay ng mga pulis sa barilan ang kasama ni Francisco sa Panoy group na si Rolly Menor sa nasabing lugar.
Ayon kay Bustamante na ang Panoy Group ay sangkot sa mga patayan at pagtutulak ng droga sa nasabing lugar.