Kelot tumalon sa flyover, lasog
MANILA, Philippines – Patay ang isang matandang lalaki matapos na tumalon mula sa isang flyover sa Makati City kahapon.
Dead-on-arrival sa Ospital ng Makati (OSMAK) ang hindi pa nakikilalang biktima na tinatayang nasa 55 hanggang 60-anyos, nakasuot ng gray na sando, kulay dilaw na shorts, semi kalbo ang gupit, may nunal sa kaliwang pisngi.
Ayon kay SPO2 Rico Caramat, ng Station Investigation and Detective Management Branch (SIDMG), Makati City Police, naganap ang insidente alas-3:10 ng madaling-araw sa flyover sa panulukan ng Kalayaan Avenue at Jervois St., Brgy. Pinagkaisahan ng naturang lungsod.
Sa inisyal na teyorya ng pulisya, umakyat ang biktima sa naturang flyover at biglang tumalon.
Dahil sa insidente kaagad na isinugod ng Makati City Rescue Team ang biktima sa nabanggit na ospital, subalit hindi na ito nakarating ng buhay.
Sa ngayon, ang bangkay ng biktima ay nakalagak sa Veronica Funeral Parlor at nagsasagawa ng masusing imbestigasyon sa insidente.
- Latest
