Pagkamatay ng isang mason palaisipan

MANILA, Philippines - Palaisipan sa mga awtoridad ang  pagkamatay ng isang mason na natagpuan  kahapon ng umaga sa  construction site sa Sampaloc, Maynila.

Tinatayang  may anim na  oras nang patay si Samuel Rico Cubacub, 49 ng no. 622 Cavo F. Sanchez St. Mandaluyong City nang matagpuan ng kanyang mga kasama sa trabaho sa construction site sa Lerma St. Sampaloc, Maynila.

Sa ulat ni SPO1 Rommel Del Rosario ng Manila Police District-Homicide Section, dakong alas-6 ng umaga nang ma­tag­puang patay ang biktima sa loob ng barracks.

Mag­bibihis umano ang kasamahang si Armando Mallari, 39, sa kanilang barracks nang mapansin ang na­katihayang biktima na kakaiba ang hitsura at hindi gumagalaw.

Nilapitan ni Mallari ang biktima upang gi­singin subalit malamig na ang katawan nito kaya tinawag niya ang iba pang kasamahan at nagreport sa pulisya.

Sinasabing may sakit na diabetes ang bik­tima na maaring na­ging dahilan ng  pagkahilo nito kaya naisipan nang matulog at magpahinga.  Dinala sa St. Rich Funeral Services ang  bangkay ng  biktima.