MANILA, Philippines – Isang lalaki na naman ang tumalon mula sa isang istasyon ng Metro Railway Transit kagabi.
Nakilala ang lalaking si Jefferson Beati, 28, na lumundag mula sa Cubao station ng MRT.
Kritikal ang kalagayan ngayon ni Beati matapos bumagsak sa bubong ng loading bay ng southbound lane ng EDSA.
Kaugnay na balita: Lalaki lumundag mula sa MRT station
Kaagad naisugod sa East Avenue Medical Center si Beati na nagtamo ng bugbog dahil sa lakas ng pagbagsak.
Hindi pa rin naman malaman ang dahilan sa pagtalon ni Beati.
Samantala, nitong nakaraang linggo lamang ay isa ring lalaki ang lumundag mula sa GMA Kamuning station.
Hinihinalang wala sa tamang pag-iisip si Cristobal Delia na tumalon mula sa ikalawang palapag ng hagdanan ng istasyon.
Bumagsak sa outer lane ng EDSA ang biktima na nagtamo ng bali sa kanang kamay na kaagad naman naisugod sa ospital.