MANILA, Philippines - Walang pasok ngayon sa Manila City hall at iba pang sangay nito kasabay ng pagdiriwang ng Pista ng Itim na Nazareno.
Ito’y matapos na pirmahan ni Manila Mayor Joseph Estrada ang Executive Order no. 42 na nagtatalaga na walang pasok sa mga city government offices upang bigyan daan ang mga deboto na makasama at makalahok sa traslacion ng Itim na Nazareno.
Una nang idineklara ni Estrada na walang pasok sa mga public at private schools upang hindi na maipit pa at maabala ang mga estudyante sa kanilang pagpasok at pag-uwi.
Gayunman, may pasok naman ang mga tauhan ng emergency and disaster team, health at social services offices upang mabigyan ng sapat na atensiyon at tutulong sa mga iba pang kawani ng pamahalaan na magbibigay ng tulong sa mga namamaÂnata at sumama sa prusisyon.