Lalaki nalungkot sa Pasko, nagbigti

MANILA, Philippines - Ang kalungkutan umano sa pagdiriwang ng Pasko na wala sa piling ng asawa ang nagtulak sa isang lalaki para magpakamatay sa pamamagitan ng pagbigti sa sarili sa lungsod Quezon, ayon sa pulisya kahapon.

Si Allan Montoya, 29, ay tinangka pang iligtas ng kanyang tatay matapos kalagan mula sa pagkakabigti pero nabigo na rin ito, ayon kay SPO1 Jaime Jimena, desk officer.

Nabatid na alas-6:45 ng gabi nang matagpuang nakabitin sa window grill ng kanilang comfort room  ang biktima ng kanyang nanay, na si Aling Natividad.

Agad na tinawag ni Aling Natividad  ang kanyang asawa na nag-alis sa pagkakabitin ng anak, saka sinubukang i-revive ito pero nabigo na ito.

Ayon sa ulat, ang biktima ay labis na na-depress dahil wala itong trabaho na iniwan pa ng buntis na misis.