MANILA, Philippines - Nagkalasug-lasog ang isang 6-anyos na batang babae matapos itong ma-hit-and-run at makaladkad ng isang truck, kamaÂkalawa ng gabi sa Navotas City.
Kinilala ang nasawi na si Josephine Garganta, ng Sitio Puting Bato, Brgy. North Bay Boulevard South ng naturang lungsod.
Inaalam pa ang pagkaÂkakilanlan ng driver ng puting Elf truck na may tatak sa bandang likuran na first dealer at hindi nakuha ang plaka nito.
Base sa ulat ng Navotas City Police Traffic Bureau, naganap ang insidente alas-10:45 ng gabi habang naglalaro ang biktima sa gilid ng R-10, Brgy. NBBS ng naturang lungsod nang mahagip at makaladkad ito ng naturang truck.
Hindi huminto ang driver at tinangkang habulin ng mga nakasaksi, subalit tuÂluyang nakalayo na ito.