MANILA, Philippines - Patay ang isang negosÂyante makaraang tambangan at pagbabarilin ng mga hindi pa nakikilalang salarin habang lulan ito ng motorsiklo sa Taguig City, kahapon ng madaling- araw. Agad na nasawi ang biktimang si Rodrigo Fernandez, 36, ng Ballecer St., South Signal Village, ng naturang lungsod. Nagtamo ang biktima ng tama ng bala buhat sa hindi pa mabatid na kalibre ng baril sa ulo at katawan.
Sa imbetigasyon ng Taguig Police, sakay ang biktima ng kanyang motorsiklo dakong alas-2:35 ng madaling-araw nang harangin at pagbabarilin ng mga hindi nakilalang suspek sa may President Garcia St. sa Brgy. South Signal Village.
Patuloy pang nagsasagawa ng imbestigasyon ang pulisya upang matukoy ang motibo sa pamamaslang habang nakuha naman sa pinangyarihan ng krimen ang limang basyo ng hindi pa batid na kalibre ng baril.