Tubig at financial assistance laan ng Maynilad

MANILA, Philippines - Naglaan ang West Zone concessionaire Maynilad Water­ Services, Inc. (Maynilad) ng P1 milyon sa mga biktima ng bagyong Yolanda sa pamamagitan ng PLDT-Smart Foundation  bilang bahagi ng pagpupursigi ng Tulong Kapatid ng MVP Group of Companies na matulungan ang mga biktima ng kalamidad sa Visayas .

Mula noong Biyer­nes matapos manalasa ang bagyong Yolanda ay nagpadala na ang Maynilad  ng  3,000 litrong botelyang tubig-inumin at 1,100 one-gallon jugs ng tubig sa  Alagang Kapatid Foundation, Department of Social Welfare and Development (DSWD) at Philippine Navy para sa mga biktima ng bagyo.

Ngayong linggo, ang kum­panya ay nagpadala ng dag­dag na  12,000 units  ng  one-liter bottles, 15,000 one-gallon jugs at 10,000 bottled water­  sa iba’t ibang  public at private organizations.

Sa pakikipagtulungan sa United Nations Children’s Fund (UNICEF), ang May­nilad  ay nagpadala rin ng mga water engineers sa  Tac­loban­ City  para magkaloob ng technical assistance sa water systems na nawasak.