MANILA, Philippines - Isang lalaki at isang babae na magkaangkas sa motorsiklo ang kapÂwa nasawi makaraang sumalpok sa isang AUV sa Roxas Blvd., sa Pasay City, kahapon ng maÂdaling-araw.
Idineklarang dead-on-arrival sa Pasay City General Hospital ang mga biktimang nakiÂlalang sina Alfie Paciente Castañeda, 25, ng Tramo St., Brgy. 64 Zone 8, Pasay City at ang angkas nitong si Rachelle Reyes Antonio, 24, ng Brgy. Talipapa, Novaliches, Quezon City.
Sa ulat ng Pasay City Police-Traffic Unit, naÂganap ang aksidente dakong alas-2:30 ng madaÂling-araw sa north-bound lane ng Roxas Blvd. sa tapat ng Asean Institute of Maritime Studies.
Mabilis umanong biÂnabagtas ng dalawang bikÂtima lulan ng isang Honda Super Four 400cc motorcycle (TT-6465) ang Roxas Blvd. nang sumalpok sa likurang bahagi ng Tamaraw AUV (DPY-633) na minamaÂneho naman ni Ronald Jose Vinalon, ng P. VillaÂnueva St., Pasay.
Sa lakas ng pagkakasalpok, humampas ang ulo ni Castañeda sa likuran ng AUV, habang nalaglag naman ang angkas na si Antonio at nakaladkad ng may isang metro. Nawalan naman ng malay ang pasahero ng AUV na si Jonel Alaan makaraang humampas ang ulo sa loob ng sasakyan.
Rumesponde naman ang mga tauhan ng Pasay Rescue Unit at Philippine Red Cross Rescue Team na nagÂsugod sa mga ito sa paÂgamutan.