MANILA, Philippines - Nasa kritikal na kondisyon ang isang binata nang taÂmaan ng ligaw na bala mula sa nagÂrarambulang grupo ng kalalakihan dahil lamang sa larong basketball sa isang court sa Caloocan City kamakalawa.
Ginagamot sa FEU Hospital sanhi ng tama ng bala sa likod ang biktimang si Patrick Ang, 36, ng Shelter Ville Subd., Bagumbong ng naturang lungsod.
Sa ulat ng Caloocan City Police, ang insidente ay naganap alas-3:30 ng hapon. Nagsagupa umano ang grupo ng Shelter Ville Phase 10, Bagong Silang sa larong basketball sa isang court na malapit sa bahay ng biktima sa nabanggit na lugar.
Nabatid na umalis ang grupo ng Phase 10, subalit makalipas ang ilang sandali ay nagbalik at isa rito ang walang humpay na nagpaputok ng baril kuing saan nahagip ang biktima na papasok ng kanilang bahay.
Nagpulasan ang grupo ng Phase 10, habang dinala naman ang biktima sa naturang ospital ng kanyang mga kaanak. Patuloy pa rin ang isinasagawang imbestigasyon sa insidente.