MANILA, Philippines - Arestado ang isang binata nang turuan nitong suminghot ng shabu ang isang 7-anyos na batang lalaki na kapitbahay nito kamakaÂlawa sa Caloocan City.
Nakakulong sa CaÂloocan City Police detention cell at nahaharap sa kasong child abuse ang suspek na si Alvin Bejerano, 22, ng Salmon St., ng naÂturang lungsod.
Ayon sa salaysay ng biktima sa mga kagawad ng Caloocan City Police naganap ang insidente alas-5:30 ng hapon sa naturang lugar nang tawagin ng suspek ang paslit na kanyang kapitbahay.
Niyaya ang biktima na suminghot ng shabu, subalit tumanggi ang naturang paslit at tumakbo ito papalayo kay Bejerano.
Ngunit, hinabol pa ng suspect ang paslit at hinila ito sa may sulok at doon ay tinuruan sa pagsinghot ng shabu.
Kinagabihan ay hindi makakain at makatulog ang biktima at nang usisain ng mga magulang ay sinabi ang ginawa nila ng suspek.
Kahapon nga ay ipinadakip ng mga magulang ng bata ang suspek at sinampahan ng nasabing kaso.
Lumalabas na ikatÂlong beses nang pinag-shabu ng suspek ang bata.