Bus hinoldap sa EDSA

MANILA, Philippines - Isa na namang pampasaherong bus ang hinoldap ng limang miyembro ng notor­yosong robbery group sa Mandaluyong City, kama­kalawa ng gabi.

Ayon sa ulat ng Mandaluyong City Police, dakong alas-6:00 kamakalawa ng gabi nang holdapin ng mga suspek ang isang Phillipian Bus Line (TXW-565) na biya­heng Baclaran papuntang Monumento na minamaneho ni Allan Marote.

Bagamat puno ng pasahero ang bus, tanging ang driver lamang naman nito at isang pasahero ang nagtungo sa pulisya upang magsampa ng reklamo.

Batay sa reklamo nina Ma­rote at pasaherong si Chris­tine Danseco, 26, da­laga, sales clerk sa isang mall at nakatira sa Murphy, Cubao, Quezon City, sumakay ang mga suspek sa Reliance St., sa EDSA, Brgy. Highway Hills, Mandaluyong City at nagkunwaring mga pasahero. Gayunman, naglabas ang mga ito ng mga baril at balisong, saka nagdeklara ng holdap bago mabilis na nagsibaba nang makuha ang kanilang pakay.

Natangay mula kay Danseco ang kanyang shoulder bag na naglalaman ng kanyang wallet na may cash, Samsung Galaxy Tab P23,500, Samsung Ace P9,000, Nokia 6120 P8,000, Star Mobile cell P2,000 at iba pang mga personal na kagamitan, habang natangay rin ang mga cellphone ng iba pang pasahero.