Palusot na baliw, hindi umubra: Kidnaper ng paslit, arestado
MANILA, Philippines - Hindi lumusot sa mga pulis ang arteng pagbabaliw-baliwan ng isang babae matapos na dakpin ito makaraang tangkaing kidnapin ang isang 9-anyos na batang babae, kahapon sa Caloocan City.
Nakilala ang suspect na si Ma. Katlea Velasquez, 32, ng Antique St., Bago Bantay, Quezon City na nakakulong ngayon sa Caloocan City Police.
Sa ulat ng pulisya, naganap ang insidente dakong alas-4:00 ng madaling-araw nang pumasok ang suspect sa bahay ng biktima sa BMBA ng nasabing lungsod.
Hinatak ng suspect ang biktima dahilan upang magising ito hanggang umabot sa kalsada ang hatakan.
Nakita naman ng isang kapatid ng biktima ang ginawa ng suspect na naging dahilan upang humingi ng tulong sa mga barangay tanod.
Naabutan pa ng mga tanod ang hatakan na naging dahilan upang dakpin ang suspect at ibalik sa magulang ang biktima.
Sa presinto ay umakÂtong baliw ang suspect, subalit hindi lumusot sa mga pulis ang alibay nito hanggang sa ikulong na at nakatakda itong sampahan ng kaukulang kaso.
- Latest
