MANILA, Philippines - Patay ang isang factory worker matapos itong mauntog sa pader nang mabagsakan ng lalagyan ng pampalasa sa Valenzuela City kahapon ng umaga.
Dead-on-arrival sa Valenzuela General Hospital sanhi ng pinsala sa ulo ang biktimang si Henry Lagunsad, 18, ng San Jose Del Monte, Bulacan.
Sa ulat ng Valenzuela City Police, naganap ang insidente dakong alas-7:30 ng umaga, habang nagdidiskarga ng mga lalagyan ng spicy ang biktima mula sa elevator sa ikalawang palapag ng CDO Foodsphere Inc., sa West Service Road, Bgy. Paso De Blas.
Aksidenteng bumagsak sa biktima ang mga lalagyan ng pampalasa na naging dahilan upang mawalan naman ito ng balanse at mauntog ang ulo sa pader.