Mall helper pinabulagta ng kabaro

MANILA, Philippines - Isang stay-in-helper ang iniulat na napatay matapos na saksakin ng kanyang kapwa helper  sa Binondo, Maynila kahapon ng madaling-araw. Naisugod pa sa Jose Abad Santos Hospital ang biktimang si Alfred Arota, stay-in-helper sa Divisoria Mall subalit namatay din dahil sa matinding saksak sa katawan habang arestado naman ang suspect na si Jerick Cruz, 18, stay-in helper sa nasabi ring mall. Sa report ni PO2 Richard Limuco ng MPD homicide, bandang alas-2:30 ng madaling-araw, naganap ang krimen sa kanto ng Del Pan at Muelle Dela Industria, Binondo. Ayonkay PO2 Limuco, matagal na tinutudyo o binu-bully ng biktima ang suspek kung saan hindi na ito nakapagtimpi at isinagawa ang pananaksak.