Madaling magsawa
Dear Dr. Love,
Call me Badet, 19 years old. Modesty aside, hindi ako kagandahan pero malakas ang appeal. Kaso napagkakamalan akong playgirl gayung hindi naman.
Kasi po, madali akong magsawa sa lalaki. Ewan ko ba kung bakit. Kapag sinagot ko ang lalaki ay mahal ko naman pero wala pang daÂlawang linggo ay nanlalamig na ako.
Limang ulit nang nangyayari sa akin ang ganyan kaya nagagalit sa akin ang mga lalaki at tinatawag akong playgirl.
Ano ang dapat kong gawin para mawala ang attitude kong ito?
Badet
Dear Badet,
Bago mo sagutin ang lalaki, tiyakin mo na hindi lang physical attraction ang nadarama mo.
Get to know each other well dahil ang tunay na pag-ibig ay hindi nakukuha sa gandang panlabas kundi higit sa lahat, sa ganda ng ugali.
Kung may nanliligaw sa iyo na attracted ka, sabihin mo sa kanya na gusto mo muna siyang makilala ng mabuti. Sa ganyang paraan ay matatantya mo kung mahal mo siya talaga.
Dr. Love
- Latest
