Kapatid ni Mary Jane Veloso na inaabuso raw ng amo, makakauwi na ng bansa
MANILA, Philippines — Kinumpirma ni Department of Migrant Workers (DMW) Secretary, Hans Leo J. Cacdac na makakauwi na ng bansa ngayong linggo ang kapatid ni Mary Jane Veloso, na kasalukuyang nasa Saudi Arabia at nagtatrabaho bilang domestic helper matapos na makaranas nang pang-aabusong sekswal mula sa kanyang amo.
“Originally, it was promised to the family that she would be brought home before Christmas, but the Migrant Workers Office is now working to facilitate her return within this week,” ani Cacdac.
Nauna rito, isinumbong ng kapatid ni Veloso na nakakaranas siya nang pang-aabusong sekswal sa kanyang amo, nang bumisita si Cacdac sa kanyang mga magulang sa kanilang tahanan sa Nueva Ecija.
Sumbong ng biktima, dalawang beses umano siyang niyakap ng amo, mula sa likuran, at pinaghahawakan.
Nagsumbong umano siya sa asawa nito ngunit hindi umano ito naniwala sa kanya.
Tila pinaghinalaan pa umano siya nito na gusto rin niya ang ginagawa ng asawa nito.
- Latest
