PNP, hihingi ng klaripikasyon sa TPO ng korte sa KOJC

MANILA, Philippines — Nakatakdang maghain ng Petition for Clarification sa Davao City Regional Trial Court ang Philippine National Police (PNP) hinggil sa inilabas nitong Temporary Protection Order sa Kingdom of Jesus Christ (KOJC).

Ayon kay PNP Public Information Office Chief Police Col. Jean Fajardo, kasabay ng paglilinaw, wala rin umanong sinasabi ukol sa pagpapahinto ng pagsisilbi ng Warrant of Arrest kay Apollo Quiboloy at apat pang kapwa akusado nito.

Binigyang-diin ni Fajardo na nakasaad lang sa Protection Order na dapat tanggalin ng PNP ang mga harang at barikada sa KOJC compound at hindi lisanin ang compound.

Sinabi ni Fajardo na magpapapatuloy ang paghahanap ng PNP kay Quiboloy sa loob ng compound hanggang sa maisilbi sa kanya ang Arrest Warrant.

Dumating na rin ang augmentation team mula sa iba pang Police Regional Offices para humalili sa mga pulis na nauna nang naideploy sa lugar.