Pangulong Marcos: Nagpatakas kay Alice Guo gugulong ulo!
![Pangulong Marcos: Nagpatakas kay Alice Guo gugulong ulo!](https://media.philstar.com/photos/2024/08/21/3_2024-08-21_21-41-43.jpg)
MANILA, Philippines — Tiniyak ni Pangulong Ferdinand “Bongbong” Marcos Jr. na masisibak sa puwesto ang lahat ng responsable sa paglabas sa bansa nang sinibak sa puwesto na mayor ng Bamban, Tarlac na si Alice Guo.
“The departure of Alice Guo has laid bare the corruption that undermines our justice system and erodes public trust. Let me be clear: Heads will roll,” ani Marcos.
Tiniyak din ni Marcos na malalantad ang mga salarin at nagtaksil sa tiwala ng mga tao at tumulong sa paglipad ni Guo.
Isang full-scale investigation aniya ang isasagawa at lahat ng responsable ay mananagot sa batas.
“We will expose the culprits who have betrayed the people’s trust and aided in her flight. A full-scale investigation is already underway, and those responsible will be suspended and will be held accountable to the fullest extent of the law,” ani Marcos.
Idinagdag ng Pangulo na walang puwang sa gobyerno ang sinumang inuuna ang personal na interes kaysa sa paglilingkod sa sambayanang Pilipino ng may dangal, integridad at katarungan.
Una rito, iniutos ni Executive Secretary Lucas Bersamin ang kanselasyon ng Philippine passport ni Guo matapos isiwalat ni Sen. Risa Hontiveros na nakalabas na ng Pilipinas si Guo noong Hulyo 18 patungong Kuala Lumpur, Malaysia at ngayo’y nasa Indonesia na.
- Latest