Goma: ‘Yes’ vote sa Divorce bill nabago

126 naging 131

MANILA, Philippines — Kinuwestiyon ni Leyte 4th District Rep. Richard “Goma” Gomez kung bakit nabago ang “Yes “ vote sa House Bill No.9349 o ang panukalang Absolute Divorce Act mula sa 126 ay naging 131 na ito.

Ang Absolute Divorce Act ay pinagtibay na ng Kamara noong Miyerkules ng gabi sa ikatlo at huling pagbasa.

“I am puzzled about the change in the number of lawmakers who voted ‘Yes’ to House Bill No. 9349 or the proposed Absolute Divorce Act from 126 to 131,” ayon kay Gomez.

Sinabi ni Gomez na sa pagkakaalam niya ay nasa 126 lamang ang bumoto ng pabor sa panukalang batas sa diborsiyo na inianunsyo pa sa plenaryo kaya nagtataka siya kung paano ito nangyari.

“Was the adjustment made to address statements that the motion to approve HBN 9349 was “lost” when the body failed to get the majority votes of the members who were present during last session? In my personal assessment,” ani Gomez.

“I believe that the approval of the divorce bill was lost when it failed to get the majority approval of the lawmakers present when it was put to a vote. For me, as we speak, HBN 9349 has not been approved on third and final reading,” ayon pa sa solon.

Sinabi naman ni House Secretary General Reginald Velasco, na nagkamali lamang ng rekord ang House Secretariat at ng itama ang boto ay dito lumabas na may hindi nabilang sa mga mambabatas.

Idinagdag pa nito na hindi pa naman naitra-transmit sa Senado ang HB 9349 at maari pa itong kuwestiyunin sa pagbubukas ng 20th Congress.