MANILA, Philippines — Pumalo sa P7.71 trilyon ang "outstanding debt" ng pamahalaan ni Pangulong Rodrigo Duterte nitong nagdaang Nobyembre 2019, ayon sa pahayag ng Bureau of Treasury, Huwebes.
"[Ito'y] P196.43 bilyon, o 2.5%, na pagbaba kumpara sa nakaraang buwan, primarya dahil sa 'net redemptions' ng domestic government securities," sabi ng BOT sa Inggles.
Related Stories
The National Government’s outstanding debt stood at P7,709.65 billion as of end-November 2019, a P196.43 billion or 2.5% drop from the previous month’s level primarily due to net redemptions of domestic government securities. https://t.co/rLNYE8L5ZK pic.twitter.com/OL9zEhtpHJ
— Bureau of the Treasury (BTr) (@TreasuryPh) January 2, 2020
Sa kabuuang debt stock. 33.6% ang utang sa labas ng bansa habang 66.4% ang utang panloob.
Sa kabila nito, tumaaas ng P417.14 bilyon, o 5.7%, ang national government debt mula sa pagtatapos ng 2018.
Tumaas naman daw ng P514.63 bilyon ang hiniram na pera ng pamahalaan, o 7.2%, kung year-over-year ang batayan.
Umabot ng P5.12 trilyon ang kabuuang utang panloob habang nasa P2.59 trilyon naman ang utang sa mga banyaga.
Matatandaang umabot sa record-high na P7.94 trilyon ang government debt noong Agosto 2019, ngunit bahagyang nakabawi sa P7.908 trilyon at P7.906 trilyon pagdating ng Setyembre at Oktubre.
Una nang sinabi ng Department of Buget and Management na inaasahan nilang aabot ng hanggang P8.77 trilyon ang utang ng Pilipinas bago matapos ang 2020 habang nagpapatuloy ang "agresibong spending strategy" ng pamahalaan pagdating sa imprastruktura at serbisyong panlipunan.