Entry ban sa de Lima jailers totoo - Philippines envoy
MANILA, Philippines — Kinumpirma kahapon ng Malacañang na totoo ang entry ban laban sa mga Filipino officials na nakapaloob sa nilagdaang 2020 national budget ni US Pres. Donald Trump.
Ayon kay Presidential Spokesman Salvador Panelo, mismong si Philippine Ambassador Babes Romualdez ang nagkumpirma nito.
“I was talking to PH Ambassador to US Babes Romualdez. Sinasabi niyang, chi-neck daw nila ‘yong batas, meron nga daw. Totoo ‘yong ban,” wika ni Panelo.
Sinabi kahapon ni US Sen. Patrick Leahy na kung hindi mapapalaya agad si Sen. Leila de Lima ay dapat bigyan ng fair and public trial ito.
Aniya, ito ang dapat maging hakbang ng gobyernong Duterte kaysa obligahin na kumuha ng visa ang mga Kano na bibisita sa Pilipinas.
“Rather than responding by irrationally threatening to deny visas to American citizens, the Duterte government should either release Senator De Lima immediately or provide her the fair, public trial she is entitled to,” wika ng US senator.
- Latest
