Reklamo sa eleksiyon sisilipin sa oversight hearing - Pimentel

MANILA, Philippines — Sisilipin ng oversight committee on automated election system ang lahat ng reklamo sa nakaraang May 13 elections, ayon kay Sen. Koko Pimentel.

Sinabi ni Sen. Pimentel, aalamin din nila mula sa Comelec at Smartmatic ang mga glitches na nangyari gayundin ang pagpalya ng mga SD cards at vote counting machines.

“Itatanong natin lahat yan. Aalamin din natin ang mahigit 1 million na overvote,” sabi ni Pimentel.

“Yan nga yun, kasi yung ang issue nila overvote kasi spoil. Kunwari nag-overvote sa senador, ano ang nangyari sa boto sa ibang positions. Kasi dapat di apektado yun,” sabi pa ni Koko.

Naniniwala naman si Pimentel na sa kabila ng mga glitches ay credible pa rin ang naging resulta ng eleksyon.