P3.7-T nat’l budget aprub na ng bicam
MANILA, Philippines — Niratipikahan na ng Kongreso ang P3.757 trillion panukalang 2019 national buget.
Ito’y matapos aprubahan kahapon ng Bicameral Conference committee ang pambansang pondo na huling araw na rin ng sesyon ng Kongreso para sa kanilang election break.
Ang pag-apruba sa budget ay na-delay dahil sa alegasyon na may pork barrel insertions sa amendments ng National Expenditure Program o NEP.
Nauna nang sinabi ni Sen. Panfilo Lacson na bawat isang miyembro ng Kamara ay mayroong P160 milyon maging ang mga kasamahang senador ay may insertion na P23 bilyon infrastructure program.
Nilinaw naman ni House Appropriations Committee chaiman Rolando Andaya Jr. na hindi na gagamitin ang cash based system na isinusulong ni Budget Secretary Benjamin Diokno.
Matapos na ratipikahan ng dalawang kapulungan ng kongreso ay ipapasa na nila sa Pangulo para malagdaan at ganap na maging batas.
Muling magbubukas ang sesyon ng Kongreso sa Mayo 20, 2019.
- Latest
