MANILA, Philippines — Siniguro ng Malacañang na lalagdaan ni Pangulong Rodrigo Duterte ang rice tariffication bill at hindi gagamitin ang veto power nito kahit may pagtutol dito ang industry stakeholders, ayon kay Presidential Spokesman Salvador Panelo.
Sinabi ni Panelo sa media briefing kahapon na nakipagpulong si Pangulong Duterte sa mga rice traders kasama si Agriculture Secretary Manny Pinol sa Malacañang bago pangunahan ang 34th cabinet meeting kamakalawa ng gabi kung saan hiniling ng mga stakeholders kay Duterte na huwag lagdaan ang rice tariffication bill.