MANILA, Philippines – Labing-siyam na couples ng Philippine National Police ang ikinasal sa taunang “Kasalang Bayan” sa St. Joseph Church sa Camp Crame, Quezon City ngayong Martes.
Isinagawa ito kasabay ng paggugunita ng ika-27 Founding Anniversary ng PNP kung saan bukod sa libreng kasal ay libre na rin ang reception.
Tumayo pa bilang principal sponsors sina PNP Chief Director General at Mrs. Ronald Dela Rosa.
“Dapat maipadama natin sa ating mga personnel na mahalaga sa atin ang kalagayan ng kanilang pamilya kaya ginawan natin ng mga programa na nagpapakita na may malasakit tayo sa pamilya ng ating mga personnel tulad nitong Mass Wedding,” wika ni PNP Chaplain Service Director, Police Senior Superintendent Rev. Fr Jason D Ortizo.