Reopening ng Mamasapano probe iniusog sa Enero 27

MANILA, Philippines - Upang matiyak na makadadalo lahat sa pagdinig, iniusog ni Senate committee on public order chair Sen. Grace Poe ang muling pagbubukas ng imbestigasyon sa pagkasawi ng 44 miyembro ng Philippine National Police-Special Action Force (SAF).

Sinabi ni Poe na nilipat niya ang araw ng pagdinig sa Enero 27 sa kahilingan na rin ni Philippine National Police Director General Ricardo Marquez.

"This is to ensure that invited guests from the PNP will be able to attend," pahayag ni Poe ngayong Huwebes.

May mga nakatakda kasing programa ang PNP sa unang taong anibersaryo ng pagkasawi ng SAF commandos sa Enero 25.

Muling binuksa ang imbestigasyon sa kahilingan ni Sen. Juan Ponce Enrile na nakakulong nang unang dinggin ang kaso.