Anti-Hazing Law ipasa na dapat sa Senado - Gatchalian
MANILA, Philippines – Nanawagan kahapon si Nationalist People’s Coalition (NPC) Rep. Win Gatchalian sa Senado na ipasa na nito ang “Anti-Hazing Act of 2015” upang matigil na ang karahasan sa mga estudyante na sumasailalim sa initiation rites ng mga fraternities.
Ginawa ni Rep. Gatchalian ng Valenzuela City ang panawagan sa Senado matapos masawi ang isang 26-anyos na estudyanteng si Bobong Bualab ng St. Luke’s Institute sa Kabacan, North Cotabato nang sumailalim sa hazing ng Tau Gamma Phi Sigma Fraternity na naka-base sa University of Southern Mindanao.
“Even after the well-publicized death of De La Salle-College of St. Benilde student Guillo Servando last year, the long list of dead hazing victims continue,” wika ni Gatchalian.
Si Gatchalian ang author ng House Bill No. 5760 na nagre-repeal sa Republic Act No. 8094 or the “Anti-Hazing Law of 1995 na aprubado na sa 3rd reading sa Kamara at naipadala na sa Senado noong Hunyo.
“How many more Guillo Servando’s should die before the Senate green-lights a counterpart measure to the ‘Anti-Hazing Act of 2015’? Imagine what these young victims would have contributed to the society if not for their untimely deaths,” dagdag pa ni Gatchalian na isa sa senatorial candidate ng NPC sa darating na 2016 elections.
Isa lamang si Bualan sa mga biktimang nasawi sa hazing pagkatapos ni Guillo Servando noong Hunyo. Nasawi din sa hazing sina Anthony Javier, 18; Christian dela Cruz, 14; Ariel Enopre, 24, at John Kurt Inventor, 15.
Aniya, dapat gawing prayoridad ng senate committee on public order and senate committee on justice and human rights sa pagbabalik ng sesyon sa Nov. 3 ang anti-hazing bills.
- Latest
