MANILA, Philippines -- Nakabalik na sa bansa ngayong Biyernes sina dating Palawan Governor Joel Reyes at dating Coron Mayor Mario Reyes na kapwa suspek sa pagpatay sa mamamahayag na si Gerry Ortega.
Dumating sa Pilipinas sina Reyes bandang alas-3 ng madaling araw sakay ng Philippine Airlines Flight 733.
Sinundo ng mga kawani ng Philippine National Police - Criminal Investigation and Detection Group (PNP-CIDG) ang magkapatid na Reyes sa Phuket, Thailand.
Nakaposas ang magkapatid nang iniharap sila ni PNP chief Police Director Ricardo Marquez sa press conference kanina.
Pansamantalang ikukulong sa PNP custodial center sina Reyes bago iuwi sa Palawan.
Nasakote ang mga suspek sa Phuket dahil sa dahil sa overstaying.
Suspek ang dalawa sa pagiging mastermind sa pagpatay sa mamamahayag at environmentalist na si Doc Gerry noong 2011.
Reyes brothers nasa Pinas na
Nasakote ang mga suspek na si Joel Reyes at Mario Reyes (inset) sa Phuket, Thailand dahil sa dahil sa overstaying. Facebook/Justice for Dr. Gerry Ortega | Philstar.com/File