MANILA, Philippines – Sisimulan na ng Philippine Army ang pagre-recruit ng may 2,300 sundalo ngayong taon para italaga sa iba’t ibang unit sa bansa.
Ayon kay Army commanding general Lt. Eduardo Ano, inaprubahan na rin niya ang kahilingan para matugunan ang quota para sa mga sundalo ng 10th Infantry Division at Mechanized Infantry Division.
“The recruitment ay bukas sa mga kuwalipikadong indibiduwal na may potensyal na maging parte ng Philippine Army.We recruit 2,000 hanggang 3,000 sundalo kada taon,” sabi pa ni Ano.
Ang 10th Infantry Division ay nangangailangan ng 200 sundalo habang ang Mechanized Infantry Division ay may quota na 120 sundalo. Ang bawat unit ay may average na quota na 50 hanggang 100 sundalo.
Mula August, ang kagawaran ay nag-validate ng 1,322 aplikante para sa candidate soldier course.
Ang aplikante ay kailangang natural born citizen, may 72 units sa kolehiyo, at nagtataglay ng technical skills na kailangan ng AFP.
May taas na 5 feet at nasa edad na 18-26, binata o may good moral character.
Kailangan din anyang nakapasa ito sa pre-qualifying physical fitness test at physical medical exam; physicaly at mentally fit para sa pagsasanay sa military.
Ang aplikante ay maaring bumisita sa recruitment centers sa Fort Bonifacio, Taguig city sa Luzon; Camp Lapu-Lapu, Cebu City sa Visayas at Camp Evangelista sa Cagayan de Oro City sa Mindanao.