'Chedeng' lumakas pa

MANILA, Philippines - Hindi pa man nakakapasok sa Philippine area of responsibility (PAR) ang bagyong "Maysak" ay lumakas pa ito, ayon sa state weather bureau ngayong Miyerkules.

Sinabi ng PAGASA na huling namataan ang bagyo sa 1,410 kilometro silangan ng Surigao City kaninang alas-4 ng umaga.

Umabot sa 215 kilometers per hour (kph) ang lakas ng bagyong pangangalanang "Chedeng" na may bugsong aabot sa 250 kph, habang gumagalaw pa-kanluran hilaga-kanluran sa bilis na 17 kph.

Hindi pa naman ito makategorya ng PAGASA bilang supertyphoon dahil hindi pa ito umaabot sa kanilang pamantayan na 220 kph.

Tinatayang papasok sa PAR ang bagyo mamayang gabi o bukas ng madaling araw.

Inaasahang sa Biyernes o Sabado mararamdaman ang epekto ng bagyo.