MANILA, Philippines – Patay ang isang buong pamilya matapos pagtatagain ng padre de pamilya kagabi sa Iligan City.
Ayon sa imbestigasyon, tinadtad ng saksak ni Bernabe Laniojan ang kanyang asawang si Rosallyn at dalawa nilang anak na si Crisel Joy, 5, at Dodong, 2, sa loob ng kanilang bahay sa Barangay Tubod.
Nakarinig ng sigawan ang mga kapitbahay ng mga Laniojans bandang alas-11 ng gabi kaya naman nagtawag sila ng mga pulis.
Puwersahang binuksan ng mga pulis ang nakakandadong pintuan.
Duguang mga bangkay na ang inabutan ng mga pulis, habang sinubukan pang isugod sa ospital si Bernabe ngunit hindi umabot nang buhay.
Nakakita ng suicide note ang mga awtoridad sa loob ng bahay ng mga Laniojans.