MANILA, Philippines — Naniniwala pa rin si Pangulong Benigno Aquino III na walang ginawang masama si Budget Secretary Florencio Abad.
Patunay dito ang hindi niya pagtanggap sa pagbibitiw ng kalihim sa kabila ng kinakaharap na kontrobersya kaugnay ng Disbursement Acceleration Program (DAP)
Si Abad ang itinuturong utak sa likod ng DAP na nito lamang nakaraang linggo ay idineklara ng Korte Suprema na ang ilang parte nito ay hindi naaayon sa Saligang Batas.
Umugong ang panawagan sa pagbibitiw ni Abad.
Isang kabataang grupo naman ang naghain ng impeachment complaint laban kay Aquino.