ERC Chief iniimbestigahan na

MANILA, Philippines – Gumulong na ang imbestigasyon ng gobyerno kay Energy Regulatory Commission (ERC) Chairperson Zenaida Ducut dahil sa umano’y anomalya sa pagtataas singil ng Manila Electric Company (Meralco).

SInabi ni Communications Sec. Sonny Coloma na hawak na ng Investigative and Adjudicatory Division ng Malacañang ang kasong administratibo na inihai ng grupong Akbayan laban kay Ducut.

"The new office has received the complaint of Akbayan and has started looking into the accusations," pahayag ni Coloma ngayong Martes.

Nais paimbestigahan ng Akbayan si Ducut dahil sa umano’y pagpapabaya sa kanyang trabaho na protektahan ang publiko sa pagbabayad ng mataas na singil sa kuryente.

Samantala, nilinaw ni Coloma na walang dahilan upang magbitiw sa puwesto si Ducut.

Pinabulaanan ni Ducut nitong nakaraang lingo sa pagdinig sa Senado na panay ang kanilang pag-apruba ng mga pagtataas singil.

Iginiit din ni Meralco President Oscar Reyes na resulta ng maintenance shutdowns ng pangunahing power plants at ng Malampaya facility ang pagtataas ng singil sa kuryente.