Ex-mayor, 4 pa kakasuhan ng Writ of Kalikasan sa SC

MANILA, Philippines - Kasong katiwalian ang nakatakdang isampa sa tanggapan ng Ombudsman at Writ of Kalikasan case sa Korte Suprema ang ihahain laban kay dating­ Parañaque Mayor Florencio Bernabe Jr. at mga showbiz councilors na sina Alma Moreno, Jason­ Webb, Val Sotto at Roselle Nava dahil umano sa kuwestiyonableng pag-aapruba ng mga ito sa reclamation ng mahigit sa 100 ektaryang lupain sa Manila­ Bay.

Partikular na kinukuwestiyon ng mga environmental groups ang Resolution No. 13-026 na ipinasa ng konseho ng Parañaque na nagbibigay kapangyarihan kay Bernabe para pumasok sa isang Joint Venture Agreement sa AVESCO Marketing­ Corporation tungo sa reclamation ng 111.755 ektar­yang lupain sa Manila Bay. Nanganganib umano na masira ang kalikasan sa oras na maisulong ang proyekto sa AVESCO dahil sa nasabing recla­mation project.

Ang kasong kriminal naman sa Ombudsman, ay paglabag sa Anti-Graft and Corrupt Practices Act dahil sa umano’y pag-abuso ng mga nasabing opis­yal sa kanilang tungkulin para maagrabyado ang pamahalaan dahil sa naturang kasunduan na magdadala ng panganib sa mga residente ng Parañaque­.

Ang Pambansang Lakas ng Kilusang Mamama­lakaya ng Pilipinas (Pamalakaya) ang nangungunang environmental group ang nauna ng naghain ng pagtutol sa mga reclamation projects sa Manila Bay.