2nd batch ng bagitong solons sasalang sa legislative course

MANILA, Philippines - Inaasahang dadalo ngayong araw ang 44 mga bagitong kongresista para sa ikalawang batch ng apat na araw na pag-aaral tungkol sa lehislasyon.

Ang Executive Course on Legislation ay gaganapin sa Andaya hall ng Batasan complex sa pakikipagtulungan ng University of the Philippines-National College of Public Administration and Government sa pangu­nguna ni Dean Edna Co.

Tulad nang dinaanan ng unang batch ng mga neophyte congressmen, ang ikalawang batch ay tuturuan din sa mga teorya­, konsepto at dynamics ng lehislasyon para matulungan ang mga ito sa kanilang tungkulin.

Kabilang sa tatalaka­ying topics ang “Philippine administrative system; Philippine development plan and the constituents; roles and challenges fa­cing legislators; the national budget process; the dynamics of legislation; working with peers and institutions within the HRep.; parliamentary procedures and House Rules; communicating with constituents, the nation and the world; platforms of legislative agenda; and the Priority Development Assistance Fund.”

Matatandaang ginawa ang executive course on legislation sa unang batch ng 32 bagong mam­babatas noong Hunyo­ 24.