MANILA, Philippines - Uso na naman ang kuto ngayong summer kaya pinayuhan ng Department of Health (DOH) ang publiko na umiwas sa paghiram ng personal na gamit tulad ng suklay, sombrero, kumot at unan upang hindi mahawa ng kuto.
Sinabi ng DOH na tuwing tag-init ay madaling mapisa ang kuto kaya mabilis ang kanilang pagdami at pangingitlog.
Ginawa ng DOH ang babala kasunod ng naitalang pagdami ng kaso ng kuto ngayong summer.
Nabatid na sa isang eskuwelahan sa Albay ay nagdadala ng suyod ang mga estudyante dahil hindi matiis ang sobrang pangangati ng kanilang ulo na istorbo sa kanilang pag-aaral.