PNoy nag-ala ‘Santa Claus’sa batang may cancer

MANILA, Philippines - Naging ‘Santa Claus’ si Pangulong Aquino sa 15-anyos na cancer pa­tient matapos nitong bi­si­tahin kahapon sa Na­ tional Orthopedic Hospital sa Quezon City.

Ayon kay Presidential Communications Sec. Ricky Carandang, dinalaw ng Pangulo ang binatil­yong si Jericho Rafols na na-diagnose na may bone cancer noong 13 anyos ito.

Sinabi ni Sec. Carandang, ang wish ni Rafols ay makita niya si PNoy dahil ito ang kanyang na­ging idolo kaya nilabanan niya ang kanyang cancer of the bone.

Nabuhayan ng loob ang pasyente ng makita si PNoy sa kanyang campaign slogan noong 2010 presidential elections na dapat ‘ituloy ang laban.’

Sinabi ng ina ng pas­yente, doon lamang pu­­mayag si Jericho na mag­­­pagamot sa ospital hanggang sa putulin ang kanyang kanang hita sa naturang pagamutan.

Sinagot naman ng Pa­ngulo ang lahat ng gas­tusin ni Jericho sa kanyang pagpapagamot pati ang kanyang chemothe­raphy. Kahapon ang ika-53 taong kaarawan ni Pa­ngulong Aquino.

Bukod kay Jericho ay dinalaw na rin ng Pa­ngulo ang pasyenteng si Mario Maniego na 16 taon nang ginagamot sa Ortho­pedic.