Polis patay sa aksidente sa kadalanan

CEBU, Philippines — Patay ang usa ka polis sa nahitabogn disgrasya sa kadalanan kagahapon sa kadlawon diha sa Governor M. Cuenco Avenue corner J. Panis Street Siyudad sa Sugbo.

Ang biktima mao si Patrolman Carlo Tachado Bayato, 28-anyos, minyo, nadestino sa Abellana Police Station sa Cebu City Police Office (CCPO). Base sa imbestigasyon sa Traffic Enforcement Unit sa CCPO nga samtang nagbantay sa kalihokansa fun run ang traffic enforcer nga si Cesar Silva, 31-anyos kalit lang kining nabanggaan sa motorsiklo nga gimaneho ni Bayato.  Ug gumikan sa impact natumba si Silva lakip si Bayato ug ang  motorsiklo nalabay sa unahan.

Samtang naghigda sa dalan usa ka sports utility vehicle nga gimaneho sa usa ka 22-anyos nga tinun-an nga babaye nga taga Barangay Budlaan, Dakbayan sa Sugbo niliko sa wala paingon sa Barangay Talamban apan aksidente niining nalatayan sa sakyanan si Bayato.  Si Bayato daling gidala diha Cebu City Medical Center apan gideklara kini nga patay na nga naabot sa maong tambalanan.

Ang TEU sa CCPO padayon kining nagpahigayon og imbestigasyon kalabot sa maong hitabo. (BANAT NEWS)