IDMU gimandoan pag-imbestiga sa kamatayon sa polis
CEBU, Philippines — Nasubo ang Cebu City Police Office(CCPO) sa nahitabo sa usa nila ka sakop nga si Patrolman Carlo Bayato kinsa usa sa nakalas sa nahitabong disgrasya diha sa dalan M. Cuenco Avenue corner J. Panis Street, Barangay Kasambagan, Siyudad sa Sugbo niadtong Domingo sa kadlawon.
Si Bayato miyembro Batch MAKISLAB 2019 ug nadestino diha sa Abellana Police Station niadtong tuig 2020.
Si Police Lieutenant Colonel Maria Theresa Macatangay, deputy city director for operations ug tigpamaba sa Cebu City Police Office nagkanayon nga nimando na siya sa Investigation and Detection Management Unit (IDMU) nga mohimo og imbestigasyon sa maong hitabo. Dili lang sa pagdeterminar sa kinsay nagpabaya sa insidente apan apil na ang pag-assist sa nabiyaang pamilya sa pag-claim sa mga benepisyo nga angay kanila.
"That is correct (nasubo ang CCPO) because it is of a different nature man nga accident but still nawalaan gihapon mi og usa ka kauban and definitely it has affected the rest of the force of CCPO", padayag ni Macatangay. (BANAT NEWS)
- Latest
