Sakop sa Tres Marias Drug Group nadakpan
CEBU, Philippines — Nadakpan sa mga operatiba sa Regional Police Drug Enforcement Unit(RPDEU)-7 ang usa ka 49-anyos nga babaye nga giingong miyembro sa Tres Marias Drug Group atol sa buy-bust operation sa 5th Street, Villa San Rafael, Barangay Labangon, siyudad sa Sugbo niadtong Huwebes sa gabii, Oktubre 3, 2024.
Ang dinakpan mao si Marilyn Entoma Bayang, 49,nagpuyo sa Sitio Mahayahay, A. Lopez Street, sa maong barangay . Nakuhaan ang suspetsado og 1,150 grams sa gituohang shabu nga nagkantidad og P7.8 million.
Matud pa sa RPDEU-7 miyembro sa Tres Marias Drug Group ang suspetsado nga usa ka buwan na nilang gimonitor. Nahibaw-an nga maka-dispose kini matod pa og lima ka kilong shabu kada semana sa Cebu City, Mandaue City ug Lapu-Lapu City.
Kasong kalapasan sa Section 5 ug 11, Article II sa Republic Act 9165 ang ipasaka batok sa suspetsado. (BANAT NEWS)
- Latest
