MANILA, Philippines – Kabilang si Bureau of Customs Commissioner Ruffy Biazon sa ikalawang batch na kinasuhan ng National Bureau of Investigation (NBI) kaugnay sa P10 bilyong pork barrel scam.
Sinabi ni Justice Sec. Leila de Lima ngayong Biyernes na bukod kay Biazon ay pitong dating mambabatas ang inireklamo rin ng malversation of public funds, graft and corruption, at direct bribery sa Office of the Ombudsman.
Kabilang sa mga kinasuhan sina:
- Baterna Salacnib (1st district, Ilocos Sur)
- Mark Douglas Cagas IV (1st district, Davao del Sur)
- Douglas Cagas (1st district, Davao del Sur)
- Arrel Olano (1st district, Davao del Norte)
- Arthur Pingoy Jr (2nd district, South Cotabato)
- Rodolfo Valencia (1st distroct, Oriental Mindoro)
Inireklamo rin ng NBI ang dalawang kasalukuyang mambabatas, tatlong pinuno at pitong tauhan ng mga implementing agencies, 12 resident auditors, Janet Lim-Napoles at dalawang indibidwal dahil sa paggamit ng mga pekeng non-government organizations kung saan idinaraan ang pondo ng bayan.
Nitong Setyembre ay unang kinasuhan ng NBI ang itinuturong mastermind na si Napoles at 37 iba pa dahil sa pang-aabuso sa Priority Development Assistance Fund (PDAF) na kalaunan ay idineklarang hindi naaayon sa Saligang-Batas ng Korte Suprema.
Kabilang sa unang mga kinasuhan ay sina Senador Bong Revilla Jr., Juan Ponce Enrile, at Jinggoy Estrada, dating Masbate 3rd district Rep. Rizalina Seachon-Lanete at dating Apec Party-list Rep. Edgar Valdez.
Kaugnay na balita: Napoles, Revilla, Estrada, Enrile kinasuhan ng pandarambong
Inireklamo naman ng malversation, direct bribery, at iba pang graft and corrupt practices sina dating congressmen Rodolfo Plaza, Samuel Dangwa at Constantino Jaraula.
Sinabi noon ng NBI na higit P200 milyon ang naibulsa ni Revilla sa pork barrel scam.
Kaugnay na balita: Sen. Bong Revilla Jr. higit P200M ang nakuha - NBI
Juan Ponce Enrile - P172,834,500
Ramon Revilla Jr. - P224,512,500
Jinggoy Estrada - P183,793,750
Rizalina Seachon-Lanete - P108,405,000
Edgar Valdez - P56,087,500
Rodolfo Plaza - P42,137,800
Samuel Dangwa - P26,770,472
Constantino Jaraula - P20,843,750