MANILA, Philippines – Alam ni Megan Young na mabigat ang responsibilidad na nakapatong sa kanyang balikat matapos gumawa ng kasaysayan bilang kauna-unahang pinay na manalo sa Miss World.
“It’s a huge responsibility on my shoulders kasi nire-represent ko ‘yong mga Pilipino pagdating sa mga gawain, pag-uugali, in the eyes of this people, kung sino ang Pilipinas, ako ‘yon pagdating sa international arena,†sagot kagabi ni Megan sa homecoming press conference.
Pero gayunpaman ay masaya si Megan sa naiuwing korona at isang pangarap ito na natupad para sa kanya.
“It’s a great honor to represent the country itself, fulfilling that dream of being the girl who represents Philippines,†sabi ni Megan.
“Being Miss World now, having my country behind me, representing my country, it’s a big thing,†dagdag niya.
Samantala, ikinatuwa naman ng Chairman at CEO ng Miss World Philippines ang karangalang dala ni Megan sa bansa.
“62 years we waited for the elusive blue crown,†pahayag ni Cory Quirino. “History has been made, destiny has been accomplished and now we have our first Miss World, Megan Lim Young.â€
Sinabi pa ni Megan na hindi sapat ang pagiging maganda lamang sa panlabas na kaanyuan, kaya naman nagbigay siya ng advice sa lahat ng gustong maging beauty queen.
“At this day of age, being a beauty queen is not only about the looks or being beautiful,†banggit ni Megan.
“You had to have your purpose because being a beauty queen is a big responsibility.â€